რეგიონული განვითარებისა და ინფრასტრუქტურის სამინისტრომ 2025 წლის 3 თვის ბიუჯეტი 104.8 %-ით შეასრულა
2 აპრილი 2025საქართველოს რეგიონული განვითარებისა და ინფრასტრუქტურის სამინისტრომ 2025 წლის 3 თვის სახელმწიფო ბიუჯეტი 104.8%-ით ანუ 21.8 მილიონი ლარის გადაჭარბებით შეასრულა.
სახელმწიფო ბიუჯეტის საკასო ხარჯმა შეადგინა 477.7 მილიონი ლარი, რაც გეგმაზე (456.0 მილიონი ლარი) 21.8 მილიონი ლარით მეტია.
2025 წლის 3 თვის გეგმებს გადააჭარბეს სამინისტროს მართვაში არსებულმა უწყებებმაც და ქვეყნის მასშტაბით, ინფრასტრუქტურული პროექტების განვითარებას მოახმარეს: საავტომობილო გზების დეპარტამენტმა - 315.3 მილიონი ლარი (გეგმის 106%); სსიპ საქართველოს მუნიციპალური განვითარების ფონდმა - 107.1 მილიონი ლარი (გეგმის 103%); შპს ,,საქართველოს გაერთიანებული წყალმომარაგების კომპანიამ“ – 44.4 მილიონი ლარი (გეგმის 102%); შპს ,,მყარი ნარჩენების მართვის კომპანიამ“ – 9.1 მილიონი ლარი (გეგმის 107 %).
